Napgasaring si Pang. Ferdinand Marcos Jr na hindi niya makita ang sinasabing blank items na umano’y nakapaloob sa 2025 General Appropriations Act (GAA).
Ginawa ng Pangulo ang pasaring sa ginanap na 20th National Convention of Lawyers na ginaganap sa Cebu City kaninang umaga.
Ayon sa Pangulo kaniyang ipagpapatuloy ang paghahanap sa nasabing blank items.
Naniniwala ang punong ehekutibo na walang blank items na nakapaloob sa 2025 GAA dahil labag ito sa batas.
” But let me tell you, as President, I am going to give you a run for your money. Just last month, I had to read 4,057 pages of the General Appropriations Act for 2025. Because I reviewed it, analyzed it, and yes—in parts vetoed it. And so, for those of you and up to now I cannot find those damned blank items. [laughter] We’ll keep looking, we’ll keep looking. But I don’t – I really – I’m convinced that they simply do not exist because it is not allowed to exist. So for those of you who think the Presidency is just handshakes, photo ops, I assure you, that fine print is alive in my office as well,” pahayag ni Pang. Marcos
Kung maalala hinamon ng kampo ni dating Pangulong Duterte ang 2025 national budget sa Korte Suprema.
Una ng inihayag ni House Acting Appropriations Panel Chair at Marikina Rep. Stella Luz Quimbo na walang blank items sa 2025 sa national budget na nilagdaan ni Pang. Marcos nuong buwan ng Disyembre.
Sinabi ni Quimbo kumpleto ang ang enrolled General Appropriations Act at walang blankong alokasyon sa mahigit 235,000 line items.
Pinasingunalingan ni Quimbo ang naging alegasyon ng kampo ni dating Pangulo Rodrigo Duterte na mayruong blank items na nakapaloob sa 2025 national budget.
