-- Advertisements --
Nilagdaan ni Pangulong Ferdinand Marcos Jr. ang dalawang batas na nagdedeklara sa special holidays sa mga probinsiya ng Basilan at Sarangani.
Ito ay ang Republic Act 12142 na nagdedeklara sa November 28 kada taon bilang special non-working holiday sa Sarangani bilang pag-obserba sa kanilang founding anniversary.
Nilagdaan din ng Pangulo ang Republic Act 12143 na nagdedeklara sa Marso 7 bilang special non-working holiday sa Basilan bilang pag-obserba sa founding anniversary nito na tatawaging “Araw ng Basilan”.
Ang holiday na ito ay bilang pagkilala rin sa Tennun Pakaradjaan bilang opisyal na kapiyestahan ng probinsiya.
Magiging epektibo ang dalawang batas 15 araw matapos mailathala sa official gazette o pahayagan ng pangkalahatang sirkulasyon.
