Nagpasalamat si Bureau of Immigration (BI) Commissioner Norman Tansingco kay Pangulong Ferdinand Marcos Jr sa pagbibigay prayoridad sa Immigration Modernization Law.
Ang nasabing batas, kasama ang iba pang priority measures na naglalayong pasiglahin ang paglago ng ekonomiya, tiyakin ang pambansang seguridad, at pagyamanin ang mabuting pamamahala.
Ito ay kabilang sa technical report para sa ikatlong State of the Nation Address (SONA) ng Pangulo na inihatid noong Hulyo 22.
Binigyang-diin ni Tansingco ang kahalagahan ng bagong batas sa imigrasyon habang pinasasalamatan ito dahil sa kanyang pangako na gawing moderno ang sistema ng imigrasyon.
Ang batas na ito ay napakahalaga para sa pagpapahusay ng seguridad sa border habang isinusulong ang turismo at pamumuhunan sa Pilipinas.”
Ang Immigration Modernization Law ay dinisenyo upang i-update at i-streamline ang mga patakaran sa imigrasyon, na ginagawa itong mas tumutugon sa mga kasalukuyang pandaigdigang pamantayan at hamon.
Sinabi ni Tansingco na kasalukuyang nagpapatakbo ang BI sa isang 84 taong gulang na batas na naglalaman ng maraming probisyon na hindi naaayon sa modernong panahon.
