Pinatitiyak ni Pangulong Ferdinand Marcos Jr. sa mga concerned government agencies na kaagad maibibigay ang mga pangangailangan ng ating mga kababayan sakaling mangyari ang pinangangambahang the Big One.
Ayon kay OCD Director Undersecretary Ariel Nepomuceno na nais ng Pangulo na tuloy tuloy ang pagbibigay ng mga kakailanganin ng mga maaapektuhan ng kalamidad gaya ng lindol.
Sinabi ni Nepomuceno, pinagsusumite din sila ng Pangulo ng short at long term solution kaugnay sa mga kalamidad na nararanasan ng bansa.
Aminado si Nepomuceno na hindi aniya madaling gawin ang pagbalangkas o paggawa ng long term solution subalit may susundan naman aniya silang roadmap ukol dito.
Dagdag ni Nepomuceno na tuloy tuloy ang kanilang pakikipag- ugnayan sa Pangulo sa tuwing may inaasahang kalamidad sa bansa kabilang na ang the Big One na bagamat walang makapagsasabi kung kailan ito magpaparamdam ay kailangan na ding paghandaan.
