Inihayag ni Pangulong Ferdinand R. Marcos Jr. na mahalaga ang pakikipagkalakalan ng Pilipinas sa South Korea (SoKor) na layong palakasin pa ang relasyon sa pagitan ng dalawang bansa.
Sinabi ng Punong Ehekutibo kapwa makikinabang ang dalawang bansa ang pagpapataas ng palitan sa pagitan ng Pilipinas at SoKor.
Ayon kay Pangulong Marcos, ang sinisikap nilang gawin ngayon ay isulong ang mga pakikipagsosyo na sinimulan noong nakaraan upang ang pagpapalitan sa pagitan ng dalawang bansa ay tumaas at magiging kapwa kapaki-pakinabang.
Giit ng Pangulong Marcos, ang umiiral na relasyon sa pagitan ng Pilipinas at Sokor ay matatag na kung saan parehong nagsisikap upang mapanatili ang kanilang mahigpit na ugnayan.
Umaasa si Pangulong Marcos ang ratipikasyon ngayong taon ng free trade agreement (FTA) na nilagdaan ng dalawang bansa kahit na hindi pa ito aprubahan ng national assembly ng SoKor.
Dagdag pa ng Pangulo na ang FTA ay maaaring magbigay sa mga produkto ng Pilipinas ng pinababang rate ng taripa sa merkado ng Korea.
Nais din ng Pilipinas ang isang hiwalay na kasunduan sa hinaharap sa South Korea upang hikayatin ang bansa sa Silangang Asya na payagan ang ilan sa ating mga produkto na magkaroon ng duty-free access sa kanilang merkado.
Ang FTA ay isang kasunduan sa pagitan ng dalawa o higit pang mga bansa upang mabawasan ang mga hadlang sa pag-import at pag-export sa kanila.
Sa ilalim ng isang patakaran sa malayang kalakalan, ang mga kalakal at serbisyo ay maaaring bilhin at ibenta sa mga internasyonal na hangganan na may kaunti o walang mga taripa, quota, subsidyo, o pagbabawal ng pamahalaan upang pigilan ang kanilang palitan.
