-- Advertisements --
Kinumpirma ng Pentagon na hindi bababa sa 10,000 na mga sundalo ng North Korea ang ipinadala sa Russia.
Ayon kay Pentagon spokesperson Sabrina Singh, na maaring madagdagan pa ito sa mga susunod na mga araw.
Ang mga naunang ipinadalang sundalo ng North Korea ay nagsimula ng magsanay sa eastern Russia.
Nakatalaga na rin ang mga ito malapit sa border nila ng Ukraine.
Malaki ang paniniwala na ang mga sundalo ay gagamitin para sa labanan ang Ukraine.
Sinabi naman ni South Korean President Yoon Suk-yeol na ang ginawang ito ng North Korea ay isang banta hindi lamang sa national security ng bansa at sa halip ay maging sa international community.
Una ng itinanggi ng Russia ang nasabing alegasyon.
