-- Advertisements --
CENTRAL MINDANAO – Itinalaga si PNP Highway Patrol Group chief, B/Gen. Alexander Tagum bilang regional director ng Police Regional Office-12 (PRO-12) na nakabase sa General Santos City.
Papalitan si Brig. Gen. Michael John Dubria, na nagsilbi bilang RD ng PRO-12 ng halos dalawang taon.
Si Tagum ay residente ng Kidapawan City na sakop ng Region 12 at dating umupong Cotabato PNP provincial director.
Kabilang sa mga lugar na nasa teritoryo ng Rehiyon 12 ang mga syudad ng General Santos, Kidapawan, Koronadal at Tacurong, kasama ang mga probinsya ng Sarangani, South Cotabato, Sultan Kudarat at North Cotabato.
