Umani ng iba’t ibang reaksyon mula sa netizens ang katatapos lamang na Miss International 2019.
Hindi pinalad na masungkit ni Philippines bet Patricia “Patch” Magtanong ang korona sa nasabing beauty pageant na ginanap sa Tokyo Dome City Hall sa Japan kung saan nagtapos lamang ang Pinay beauty sa Top 8.
Para sa ilang netizens, isang kick-ass speech ang ipinamalas ni Magtanong kumpara sa mga kalaban nito kung kaya’t deserve ng beauty queen na magkaroon ng korona.
Sa isinagawang speech competition, tinalakay ni Magtanong ang kahalagahan ng women empowerment at gender equality sa kasalukuyang henerasyon.
Itinanghal na Miss International 2019 si Sireethorn Leeramwat mula Thailand. Habang nakuha naman ni Miss United Kingdom ang 4th runner-up, Miss Colombia 3rd runner-up, Miss Uganda 2nd runner-up at Miss Mexico naman bilang 1st runner up.
