Dapat ipagpatuloy ng Pilipinas ang pagtatrabaho at pakikipag-ugnayan sa mga katulad na estado sa pagtugon sa mga alalahanin nito sa West Philippine Sea (WPS).
Sinabi ni Stratbase ADR Institute president Victor Andres “Dindo” Manhit na nakakuha ang Pilipinas ngayong taon ng patuloy na suporta mula sa mga katulad na estado para sa tagumpay sa arbitral at nangakong maninindigan kasama ang bansa sa pagtatanggol sa mga rules-based international order.
Aniya, bukod pa sa napakalaking suporta ng mga Pilipino sa issue ng WPS, ang interntional community ay isang tagapagtaguyod ng kapayapaan at katatagan sa rehiyon.
Dagdag ni Manhit na ang Pilipinas ay dapat na nasa isang mas mahusay na posisyon upang harapin ang mga panganib sa WPS sa pamamagitan ng pagbuo sa mga kakayahan nito at pag-iwas sa interoperability sa mga katulad na estado.
Sinabi ni Manhit na ang bansa ay naging focal point ng geopolitical tensions sa Indo-Pacific ngayong taon, habang ang China ay patuloy na nagsasagawa ng “gray zone” na mga operasyon sa mga pangunahing lugar ng WPS.
Kabilang dito ang pananakot sa mga sibilyang Filipino fishing vessel, pagsasagawa ng sunud-sunod na insidente ng water cannon, pagsira sa mga coral reef, at pagpapakalat ng disinformation.
Sa gitna ng agresibo at mapilit na pagkilos ng Beijing, naniniwala si Manhit na napatunayang epektibo ang diskarte ng Pilipinas sa pagpapataas ng kamalayan ng publiko sa mga issue sa pinagtatalunang karagatan.
