Naging maganda ang pagsisimula ng pambato ng bansa sa ICF Dragon Boat World Championships.
Sa ginanap kasi na torneo sa Puerto Princesa, Palawan ay nakakuha agad sila ng dalawang silvers at apat na bronze medals.
Nagtapos kasi ang junior contestants ng bansa sa oras ng 10 minutes at 15.51 segundo sa 2,000 meter small boat event.
Ayon kay national coach Duch Co na isang magandang pagsisimula ito lalo na nitong Agosto lamang sila nagsimulang magsanay.
Ang koponan ay binubuo nina Fiona Reign Minsing, Carla Joy Cabugon, Maria Kristina Mane, Chanal Maglasang, Ronen Estoque, Ivan Ercilla, Dirk Quinones, Jordan Jurado, Doree Rill Blanco, Angelo Osin, John Rex Senora, Jessa Mery Divine Dinampo at John Brix Caasi.
Sa women’s masters ng 2,000 meter small boat event ay nakakuha rin sila ng silver medal matapos na magtala ng oras ng 14:04.67.
Ang mga bronze medals naman ay nakuha sa mga events ng junior men’s, women’s open, 40+ Open at 50+ Open races sa 2,000 meter small boat events.
Kasalukuyang nasa number 8 ang Pilipinas kung saan ang top 10 na bansa ay tiyak na ang pagsabak sa World Games na gaganapin sa China.
