Phil Younghusband ipinakilala ang bagong silang na anak

Inanunsiyo ng dating Philippine Azkals striker Phil Younghusband ang pagsilang ng unang anak nila ng asawang si Margaret.

Sa kaniyang Instagram post, ipinakilala ni Phil ang anak na si Philip James.

Isinunod nito ang pinaghalong pangalan ng kaniyang ama at lolo.

Isinilang si Philip James noong June 12 kung saan naging malusog naman ang kalagayan ng anak at asawa.

Ikinasal ang dalawa noong Hulyo 2019 at noong Nobyembre ay inanunsiyo ni Phil ang pagreretiro niya sa paglalaro.