Maglalabas ang Pilipinas ng bago at improve na mapa ng bansa, kasunod ng pagsasabatas sa Maritime Zones act at Philippine Archipelagic Sea Lanes Act.
Inihayag ni Usec. Peter Tiangco, Administrator ng National Mapping and Resource Information Authority, na ang bagong mapa ay maglalaman ng lahat ng mga lugar na sakop ng soberanya at sovereign rights ng Pilipinas, kabilang ang West Philippine Sea.
Pantapat ito ng Pilipinas sa 9-dash line map ng China.
Ayon kay Tiangco, ang malaking kaibahan nga lang ng mapa ng Pilipinas ay mayroon itong legal na batayan at sinusuportahan ng mga umiiral na batas.
Sa ngayon, sinabi ni Tiangco na inaantay na lamang nila ang paglabas ng Implementing Rules and Regulations upang mapagtibay ito at tuluyang mailathala.
Nabatid na noong 2012 pa huling naglabas ng mapa ang Pilipinas.
