-- Advertisements --
Kinoronahan bilang Miss Global 2022 ang pambato ng bansa na si Shane Tormes.
Ito ang unang pagkakataon na nakuha ng Pilipinas ang nasabing korona.
Ginanap ang nasabing coronation night nitong Hunyo 11 sa Bali Nusa Dua Convention Center sa Indonesia.
Tinanghal naman bilang first runner-up si Sandra Lim ng Malaysia habang second runner-up si Brooke Rankin ng Australia.
Pinasalamatan ni Shane ang mga sumuporta at nagtiwala sa kaniya.
Naging inspirasyon niya sa panalo ang ina niya na namayapa noong Disyembre matapos dapuan ng cancer.
