Inihayag ng Department of Tourism (DOT) na dalawa sa nangungunang destinasyon ng bansa ang hinirang sa 30th World Travel Awards (WTA).
Nominado ang lugar ng Cebu bilang Asia’s Leading Wedding Destination.
Ang Intramuros, matapos manalo ng parehong titulo sa World Travel Awards noong nakaraang taon, ay muling hinirang para sa Asia’s Leading Tourist Attraction.
Muling tumatakbo ang Pilipinas ngayong taon para sa mga titulo ng Asia’s Leading Dive Destination at Asia’s Leading Beach Destination na parehong parangal na nakuha ng bansa noong 2022.
Noong nakaraang taon ay ang unang pagkakataon para sa bansa na ituring na nangungunang beach spot sa mundo habang ang pang-apat na pagkakataon bilang nangungunang dive haven sa mundo.
Dagdag dito, ang Department of Tourism ay hinirang din bilang Asia’s Leading Tourism Board ngayong taon.
Ang World Travel Awards ay itinatag noong 1993 upang kilalanin, gantimpalaan at ipagdiwang ang kahusayan sa lahat ng pangunahing sektor ng mga industriya ng paglalakbay, turismo ng iba’t ibang bansa.
Kaugnay niyan, ang pagboto para sa iba’t ibang kategorya ng 2023 World Travel Awards kabilang ang Asia ay opisyal na nagsimula noong Lunes, Pebrero 20 at magbubukas hanggang hatinggabi ng Marso 19, 2023.
Noong Disyembre, iniulat ng departamento na nalampasan ng bansa ang paunang target na 1.7 milyong turista at tinanggap ang 2.5 milyong turista sa pagtatapos ng 2022.
