-- Advertisements --
Aabutin umano ng P2 million ang pinakamahal na ticket sa NBA Finals sa pagitan ng Golden State Warriors at Boston Celtics na magsisimula bukas ng alas-9:00 ng umaga.
Sa report ni Dr. John Melo sa Bombo Radyo mula sa California, iniulat nito na ang pinakamura na ticket sa loob ng Chase Center, na isang indoor arena sa Mission Bay sa San Francisco, California ay umaabot sa $600 to $800.
Habang ang mga pinakamahal namang ticket sa VIP section ay aabutin ng katumbas na dalawang milyong piso.
May mga impormasyon pa nga raw na ang VIP seat na De Luxe ang presyuhan ay mahigit pa umano sa P3 million.
Maging ang parking space sa naturang arena ay nagmahal na rin ang presyuhan taliwas sa regular season.
