BUTUAN CITY – Matagumpay na inilunsad ng Butuan City Mobile Force Company ang pinakabagong programa, ang “Bible Mo Program”.
Binuksan ito sa nakaraang araw sa Dulag Elementary School sa may Barangay Dulag, Butuan City sa presensiya ni Police Brigadier GEN. PABLO LABRA II, Regional Director ng Police Regional Office o PRO-13.
Ang Bible Mo Program ay galing ideya na pagsasagawa ng mobile library gamit ang patrol car at mga religious materials kasama na ang Bibliya kungsaan umikot itoisa mga target barangays sa Butuan City upang manawagan sa mga street children, out of school youth at kahit ang mga batang nag-aaral na magbasa at makinig sa Salita ng Diyos.
Sinumulan ito sa pamamagitan ng workshops at Bible Reading na ibinigay ng Jesus Community Church.
Bahagi rin sa paglulunsad ang Signing of Wall bilang Pledge of Commitment sa iba’t ibang religious leaders at stakeholders na nangakong patuloy na suportahan ang aktibidad may kaugnayan sa nasabing programa.
