-- Advertisements --
Nasa pangalawang puwesto na ngayon world ranking ng Amateur International Boxing Association (AIBA) si World Champion Nesthy Petecio sa Women’s Elite 57-kilogram catergory.
Nakakuha ito ng kabuuang 1,200 points para sa nasabing puwesto.
Lahat aniya ng featherweight points nito ay galing umano sa pagkakakuha niya ng gold medal sa World Championship sa Russia noong Oktubre 13, 2019.
Ayon sa 27-anyos na boksingero mula sa Davao del Sur, na sa susunod na ranking ay makukuha na niya ang unang puwesto.
Nanguna naman sa puwesto si Yu-Ting Lin ng Taiwan.
Umaasa rin si Petecio na makapasok ito sa Tokyo Olympics para makasama ang mga pambato ng Pilipinas na sin Eumir Marcial at flyweight champion Irish Magno.
