Sa ikatlong pagkakataon, ibinida ng Fil-Am model na si Kelsey Merritt ang pagkakapili sa kanya ng tanyag na sports magazine sa Amerika.
Sa pahina ng swimsuit edition ng Sports Illustrated, tila nagpainit sa maulan na panahon ang 24-year-old supermodel nang irampa ang iba’t ibang disenyo at kulay ng bikini na kuha ng British photographer na si Ben Watts sa Florida.
Bakas ang pagiging natural ni Merritt mapa-nakahiga man ang posing nito, nakatayo, nakaupo, at may pagkakataon pa sa “butt exposure.”
Taong 2019 nang unang beses sumalang sa photoshoot ng Sports Illustrated ang tinaguriang Victoria’s Secret model ng Pilipinas, na nasundan agad noong 2020.
Siya rin ang kauna-unahang Filipina na kinuhang model ng naturang sports magazine.
Kasintahan ni Merritt ang American competition swimmer at Olympic gold medalist na si Conor James Dwyer kung saan minsan na silang namasyal sa El Nido, Palawan.
