KALIBO, Aklan—Binigyang pagkilala ang isang Pinay sa Indian Star Award of the Year sa bansang India.
Si Michelle Navajas, tubong Barangay Calimbajan sa bayan ng Makato, Aklan ay isang manunulat na kasalukuyang nakabase sa nasabing bansa ay nakapaglathala ng iba’t ibang uri ng aklat.
Sa panayam ng Bombo Radyo Kalibo, ipinagmalaki nito na ang kaniyang unang nailathalang aklat taon 2019 ay naging best seller at numero uno sa loob ng 24 oras sa tatlong bansa na kinabibilangan ng Japan, India at United States of America.
Naging inspirasyon nito ang kaniyang ama sa pagsusulat ng iba’t ibang fiction stories kung saan, mas pang domuble ang kaniyang pagsisikap nang mabigyan siya ng parangal.
Sa kasalukuyan aniya ay may mga nakalinya na siyang mga topiko na susunod na isusulat.
