Lumutang ang pangalan ni Pinoy American player Jordan Clarkson na posibleng pakawalan din ng Utah Jazz para malipat sa ibang team.
Napasama kasi ang pangalan ni Clarkson sa ilan pang veteran players ng Jazz na baka bitawan na rin, kasama nina Mike Conley at Bojan Bogdanovic.
Una nang binulabog ang NBA kahapon nang i-trade ng Jazz ang 3-time All Star guard na si Donovan Mitchell patungo ng Cleveland Cavaliers.
Samantala sinasabing interesado raw ang Los Angeles Lakers na kunin ang tatlong nabanggit na veteran players kasama na si Clarkson.
Ninanais daw kasi ng Lakers na paalisin na rin si Russell Westbrook pero kailangan na malaki ang kapalit.
Si Clarkson na kagagaling lamang ng Pilipinas na naglaro sa ilalim ng Gilas ay dati na ring bahagi ng Lakers noong unang pumasok siya sa liga.
