Pinoy boxer Casimero, pinabagsak ang Mexican na si Cesar Ramirez para sa WBO Interim Bantamweight championship

Pinatumba ng Pinoy boxer John Riel “Quadro Alas” Casimero ang Mexican boxer na si Cesar Ramirez para sa WBO Interim Bantamweight championship.

Pinayuko ng 29-anyos na boksingero ang Mexican sa ika-11 na round.

Una rito, naging agresibo ang boksingerong tubong Ormoc sa Leyte sa mga unang round pa lamang.

Sa ika-pitong round ay natumba na si Ramirez at sa ika-10 na round ay pinadugo naman ng Pinoy ang ilong ng kalaban.

Tuluyan nang tinapos ni Casimero ang laban pagsapit ng ika-11 na round.