GENERAL SANTOS CITY – Sa araw na ng Sabado Pebrero 29 na ang nakatakdang laban ni GenSan boxer Romero “Ruthless “Duno ng Sanman Promotions laban kay Angelito Merin na taga Bukidnon na isasagawa sa Lagao gym sa lungsod.
Sa exclusive interview ng Bombo Radyo GenSan kay Duno kanyang inihayag na dapat mapakita nito ang impresibong laban para muling makabalik sa Amerika.
Target ni Duno na ma-knockout ang kalaban kung saan si coach Bebot Valendez ang kanyang trainer.
Dagdag pa nito na kung muling mabigyan ng pagkakataon gusto niya na makipagrematch sa American boxer na si Ryan Garcia na nakatalo sa kanyang noong isang taon sa US.
Si Duno ay may 21 na panalo, dalawang talo at 16 na knockouts, habang si Merin ay may 10 na panalo, 12 na talo, tatlong draw at apat na knockouts.
Narito ang undercard sa Duno vs Merin
Jayson Mama vs Reymark Taday
Aston Palicte vs Jonathan Francisco
Jerven Mama vs Arnold Garde
Rolando Servania vs Reymond Empic
AL Rivera vs Rodel Wenceslao
Harmonito Dela Torre vs Richard Betos.
