BAGUIO CITY – Nominado ang award-winning Filipino-made indie film na “Islands” sa tatlong kategorya sa prestihiyosong 2022 Canadian Screen Awards.
Ang mga kategorya kung saan nominado ang pelikula ay ang “Best Performance by an Actor in a Leading Role” para kay Rogelio Balagtas, “Best Performance by an Actor in a Supporting Role” para kay Esteban Comilang, at ang “John Dunning Best Feature Film Award.”
Sa exclusive interview ng Star FM Baguio sa Filipino-Canadian director ng “Islands” na si Martin Edralin, excited at masaya ito lalo na para sa kanyang cast dahil hindi man sila mga full-time actors ay nagawa pa rin nilang maging nominees sa tinaguriang “Oscars” ng Canada.
“It’s exciting! I’m excited especially for the actors. You know, they’re not professionals. They have day-time jobs specifically Rogelio. It’s his first feature film. It’s only been one short film before this, so for him to be nominated alongside professional actors who do this for a living and also for a Filipino language film in Canada, I think it’s really special.”
Tatangkaing maiuwi ng pelikulang “Islands” ang mga nabanggit na parangal sa Canadian Screen Awards sa darating na April 10, 2022.
