STAR BAGUIO – Thankful ang Filipino indie-pop singer-songwriter duo na Leanne and Naara matapos silang mapili para sa isang kolaborasyon kasama ang critically-acclaimed Filipino-Canadian producer na si August Rigo.
Si Rigo ay kilala sa kanyang songwriting and producing credits sa ilang mga kanta ni Justin Bieber, Chris Brown, One Direction at ng BTS.
Sa exclusive interview ng Star FM Baguio sa duo, inamin Pinoy indie-pop singer-songwriter duo na nakaramdam sila ng konting pressure nang malaman magkakaroon sila ng kolaborasyon kasama si Rigo para sa kantang “Anticipation”, na isinulat ni Leanne noong 2018.
Bukod kasi kay Rigo ay kasama rin sa kolaborasyon ang international guitarist ni Lady Gaga na si Ricky Tillo.
“Nung una, medyo kinabahan kami kasi international producer to eh. So medyo may pressure! Ano kayang song ang ise-send namin sa kanya? Pero suprisingly, super dali niyang kausap. He’s very hands on,” saad ni Naara.
Masaya naman ang dalawa na sila ang napili para makatrabaho ang international producer.
Si Rigo ang songwriter ng mga hits na: “Gotta Be You” ng One Direction, “Back To Sleep” ni Chris Brown, “Black Swan” at “On” ng BTS at siya rin ang producer ng “Stuck In The Moment”, “U Smile”, at “Kiss and Tell” ni Justin Bieber.
“We were very lucky to be chosen to work with August Rigo, because he’s such a cool guy, and he has so many achievements under his belt. We feel very lucky,” pagbabahagi naman ni Leanne.
Inilahad naman nina Lianne at Naara ang kanilang ultimate goal sa music industry at iyon umano ay ang makapasok sa global music scene.
“We really wanna go global eh. Yun ang isa sa gusto talaga naming mangyari eh with our career, to be known internationally, and also to leave a legacy,” saad ni Naara.
May mensahe rin naman ang dalawa sa kanilang mga fans na walang sawang sumusuporta sa kanila mula ng sila’y nagsisimula pa lamang:
“To everyone who’s been supporting us since day one, day two, day three, day one hundred, even if you are an old fan or a new fan, we are very lucky and blessed to have you. We wouldn’t be here, literally, without you,” pasasalamat ni Leanne.
Unang nakilala si Leanne and Naara matapos mailabas ang kanilang first single na “Again” na nanguna sa mga Spotify charts noong 2016.
