-- Advertisements --
Nasa pangalawang puwesto na sa world ranking ng Filipino karateka James delos Santos.
Sa kaniyang Instagram account, nagpost ito ng larawan habang hawak nito ang world ranking.
Malaking tulong dito ang pagkakuha niya ng gold medal sa katatapos na Balkan Open e-Tournament.
Mayroong kabuuang score na 3270 points sa world ranking na mula sa dating number 3 ay naging number 2 na ito.
Nangunguna pa rin sa puwesto si Eduardo Garcia ng Portugal na mayroong 5995 points.
Naging usap-usapan ito noong nakaraang 2019 SEA Games dahil umano inalis siya sa national team ng Karate Pilipinas na mariing pinabulaanan naman ng grupo ang akusasyon nito.
