(Update) ILOILO CITY – Pinuri ng University of the Philippines Visayas (UPV) ang valedictorian ng Philippine Military Academy Class of 2021 na si Cadet 1ST Class Janray Artus.
Si Artus na tubong San Enrique, Negros Occidental, na anak ng mga government employees ay kumuha ng kursong Bachelor of Science in Chemical Engineering degree sa UPV bago siya pumasok sa akademya.
Sa eksklusibong panayam ng Bombo Radyo Iloilo kay UPV chancellor Dr. Clement Camposano, sinabi nito na dalawang buwan na lang sana at magtatapos na si Artus bilang summa cum laude pero nagdesisyon na pumasok sa akademya.
Nagtapos din si Artus na with honors noong high scool at university scholar sa UPV.
Si Artus ay tatanggap ng 15 special awards sa Commencement Exercises ng PMA Masaligan Class of 2021 sa Mayo 10.
