Dream come true pa rin para kay Kathryn Bernardo ang pagkakatanghal sa kanya bilang best actress sa ginanap na 35th Philippine Movie Press Club (PMPC) Star Awards for Movies sa Pasay City kagabi.
Ito’y kahit pa tabla ang 23-year-old actress at ang 30-year old singer na si Sarah Geronimo sa naturang parangal.
Ang pagkilala kay Bernardo ay para sa pelikula nitong “The Hows of Us,” habang si Geronimo naman ay para sa kanyang pagganap sa Filipino adaptation ng Korean film na “Miss Granny.”
“It’s okay to dream big. Walang problema. Ang importante is you try and try again kahit na magfail ka just try again. And always remember that you’ll always have a shot in making that dream come true,” bahagi ng acceptance speech ni Kathryn.
Sa panig ni Ogie Alcasid, hindi nito inakala na mabibigyang pansin ng PMPC ang kanyang naging papel sa “Kuya Wes” na kanyang self-produced movie.
Sa acceptance speech ng singer/songwriter, pinasalamatan niya ang kanyang celebrity wife na si Regine Velasquez at tatlong anak na unang naniwala sa kanyang kakayahan.
“God! Amazing ka talaga, this means so much to me. All the glory goes to you our Father,†dagdag nito.
Samantala, iginawad ang Movie of the Year sa 2018 Metro Manila Film Festival entry na Rainbow’s Sunset.
Narito ang listahan ng iba pang mga nagwagi:
New Movie Actor of the Year: Ryle Santiago (Bakwit Boys) at Danzel Fernandez (Otlum)
New Movie Actress of the Year: Sanya Lopez (Wild and Free)
Movie Child Performer of the Year: Ken Ken Nuyad (Liway)
Indie Movie Screenwriter of the Year: Mike de Leon, Atom Araullo at Noel Pascual (Citizen Jake)
Movie Editor of the Year: Jay Halili (Buybust)
Movie Musical Scorer of the Year: Len Calvo (Miss Granny)
Movie Original Theme Song of the Year: “Sa’yo Na†(Rainbow’s Sunset)
Nora Aunor Ulirang Artista Lifetime Achievement Award: Dante Rivero
Ulirang Alagad ng Pelikula sa Likod ng Kamera: Laurice Guillen
Outstanding Pillars of PMPC: Ethel Ramos, Ronald Constantino, Letty Celi, Veronica Samio
Movie Supporting Actor of the Year: Arjo Atayde (Buybust)
Movie Supporting Actress of the Year: Cherie Gil (Citizen Jake)
Movie Love Team of the Year: Daniel Padilla at Kathryn Bernardo
Movie Director of the Year: Joel Lamangan (Rainbow’s Sunset)
Indie Movie of the Year: Citizen Jake
