Nagkaroon ng balasahan sa ilang matataas na opisyal ng Philippine National Police (PNP).
Epektibo ngayong araw, January 10, 2025 itinalaga na bilang bagong Director ng Police Regional Office 3 si PNP PIO Chief PBGen. Jean Fajardo at magiging bagong head naman ng PRO7 si PRO 3 Director PBGen. Red Maranan.
Habang magiging Deputy Director for Comptrollership naman ngayon si PRO9 Director PBGen. Bowenn Joey Masauding. Papalipatan siya ng hepe ng PNP-AKG na si PBGen. Roel Rodolfo bilang Direktor ng PRO9.
Ang dating head naman ng PNP AVSEGROUP na si PCol. Melvin Napiloy ang magiging hepe na ngayon ng PRO-CALABARZON.
Samantala, ang magiging bagong hepe naman ng PNP AKG ay ang pinuno ng PRO-CAR na si PCol. Elmer Ragay at lilipat naman sa Office of the Chief PNP si PCol. Randulf Tuaño na galing sa PNP Finance.
