-- Advertisements --
ILOILO CITY – Patay ang isang indibidwal matapos nagkamali umano ang mga pulis sa Iloilo City Police Office (ICPO) sa pagtukoy sa subject ng drug buy bust operation.
Ang biktima ay si Karl Daniel Bolante, 29, residente ng North Baluarte Molo, Iloilo City.
Ang subject naman ay si Dave Mendoza, 23 ng Rizal Pala-Pala 2, Iloilo City Proper
Sa eksklusibong panayam ng Bombo Radyo Iloilo kay Police Captain Shella Mae Sangrines, spokesperson ng ICPO, sinabi nito na tumakas ang subject na si Mendoza.
Ayon kay Sangrines, nagtago si Mendoza sa bahay ni Bolante kung saan ang huli ang napagkalamang subject at kanilang nabaril.
