-- Advertisements --
CEBU CITY – Binaril-patay ang isang dating Criminal Investigation and Detection Group (CIDG)-7 Senior Investigator sa Brgy. Mabolo, lungsod ng Cebu nitong hapon ng Martes.
Kinilala ang biktima na si P/Cpt. Delfin Bontuyan at naka-assign ngayon sa Cordillera region.
Batay sa inisyal na imbestigasyon, galing umano sa court hearing sa Qimonda Building, North Reclaramation Area, si Bontuyan nang ito ay binaril.
Tinamaan ang biktima sa kanyang ulo dahilan ng kanyang agarang kamatayan.
Apat na gunmen na sakay sa dalawang motorsiklo ang diumano’y bumaril patay kay Bontuyan.
Iniimbestigahan ngayon ng pulisya ang motibo sa nangyaring krimen.
