Arestado ang isang active Police official sa ikinasang Anti-Carnapping operation ng PNP-Highway Patrol Group (HPG) sa may kahabaan ng Commonwealth Avenue corner Camaro Street, kaninang alas-8:00 ng umaga.
Kinilala ni PNP HPG Director BGen. Alexander Tagum, ang suspek na pulis na si Police Senior Master Sergeant Danillo Ragonot Pacurib, kasalukuyang naka-assign sa Quezon City Police District – Station 13 (Payatas Station).
Ayon kay Tagum, nasabat ng kaniyang mga tauhan ang suspek na minamaneho ang isang Hyundai Sta Feic na kulay black na may plate number ABL 1994.
Sinabi ni Tagum nahuli ang suspek na pulis dahiil paglabag sa improvised plate at ng beripikahin ng HPG VIMS nabatid na ang nasabing sasakyan ay kabilang sa mga ninakaw.
Nahaharap sa kasong paglabag sa RA 4136 o Unauthorized use of Improvise Plate, RA-10883-new Anti-Carnapping Law, PD 1612 -Anti Fencing Law.
Babala naman ni Tagum sa mga pasaway na pulis na ginagamit ang mga carnap vehicle hindi sila tatantanan ng PNP-HPG.
