CENTRAL MINDANAO – Masuwerteng hindi tinamaan ang dalawang pulis na sakay ng PNP patrol car sa probinsya ng Cotabato.
Ayon kay Cotabato police provincial director Col. Maximo Layugan, habang sakay ang dalawang pulis sa nakaparadang police patrol car sa Antipas, North Cotabato ay bigla itong pinagbabaril ng riding in tandem suspects gamit ang kalibre .45 na pistola.
Hindi tinamaan ang dalawang pulis kaya hinabol ang mga suspek hanggang humantong sa palitan ng bala.
Nahuli ang isa sa mga suspek na menor de edad na may sugat na nahulog sa motorsiklo habang nakatakas naman ang kanyang kasama na nagmamaneho sa motorsiklo.
Agad ding dinala ang sugatang binatilyo sa pagamutan at nasa maselang kondisyon.
Posibleng mga miyembro umano nang tinaguriang NPA-Sparrow unit ang mga suspek.
