Pumanaw na ang kilalang advertising and PR leader ng bansa na si Ramon “Bong” Osorio sa edad na 66.
Hindi na binanggit pa ng kampo nito ang sanhi ng pagpanaw ni Osorio.
Nanilbihan ito bilang Standards Authority ng Kapisanan ng mga Broadkasters sa Pilipinas (KBP), The Advertising Foundation of the Philippines (AFP), Manila Overseas Press Club at National Council for Children’s Television (NCCT).
Naging pangulo rin ito sa International Association of Business Communicators (IABC) Philippines at Public Relations Society of the Philippines (PRSP) at naging miyembro ng International PR Association (IPRA) Philippines.
Naging IABC Regional Director siya ng Asia-Pacific at Regional Council Member for Asia Pacific ng Global Alliance of Public Relations and Communications Management (GAPRCM) noong 2019.
Naging corporate communications head ng ABS-CBN mula 2007 hanggang magretiro ito noong 2013.
Nagturo siya ng mga media, advertising at marketing professionals sa University of Santo Tomas kung saan kinilala din siya bilang Outstanding Achievement sa Marketing Education noong 2002 sa Philippine Marketing Association’s Agora Awards at kinilala sa Tomasian Alumni (TOTAL) award sa larangan ng media and communications noong 2003.
