-- Advertisements --
Ngayong Linggo na gaganapin ang preliminary competition ng Miss Universe Philippines ayon sa pamunuan nito.
Sa naturang preliminary ay huhusgahan ang 53 kandidata sa kanilang swimsuit at evening gown attires.
Kung sino man ang makakakuha ng pinakamatataas na score ay siyang didiretso sa semi-final round sa coronation night na gaganapin naman sa May 22.
Kabilang din sa pasok sa semi-finals ang mga top winner ng pageant challenges tulad ng runway at ng up close and personal interview.
Gaganapin ang preliminary competition sa May 19 sa Champagne Room sa hotel sa Maynila alas-7 ng gabi at nakatakdang maging host nito sina Miss Universe Philippines 2023 Michelle Marquez Dee at aktor na si Marco Gumabao.
