Hindi dapat sisihin ang gobyerno sa nararanasang legal na problema na kinakaharap ni dating Pangulo Rodrigo Duterte.
Ito ang iginiit ni Chief Presidential Legal Counsel Juan Ponce Enrile na walang kinalaman ang batas ng Pilipinas sa kasalukuyang legal problem na kinakaharap ni dating Pangulong Rodrigo Duterte.
Ayon kay Enrile, ang kaso laban kay Duterte ay resulta ng mga batas na ipinatutupad ng International Criminal Court (ICC) at hindi ng mga batas ng bansa.
Kaya naman, sinabi rin ni Enrile na hindi dapat sisihin ang pamahalaan ng Pilipinas sa legal issue na ito ni Duterte.
Binigyang-diin pa ng opisyal na ang pinakamainam na dapat gawin ng mga abugado ng dating pangulo ay kumuha ng kopya ng mga kaso laban sa kanya mula sa ICC.
Pagbibigay diin pa ni Enrile, walang kinalaman ang panloob na batas ng Pilipinas sa kinakaharap ngayong problema ni Duterte.
Si Duterte ay inaresto ng mga otoridad kasama ang mga kinatawan ng international police o Interpol Manila sa bisa ng kopya ng warrant of arrest na inisyu ng ICC.
” The current legal problem of former President Rodrigo R. Duterte is not caused by Philippine laws. His legal problem is caused by laws enforceable by the International Criminal Court (ICC). It is not correct to to blame the Philippine government for the current legal problem of ex-PRRD. His lawyers should endeavor to secure a copy of the ICC charges against him so that they will know why he was ordered to be arrested by the ICC. Philippine domestic laws have nothing to do with his current legal problem,” pahayag ni Enrile.
