Presyo ng langis, may rollback sa susunod na linggo

Asahan umano ang rollback sa mga presyo ng produktong petrolyo sa susunod na linggo.

Ayon sa energy sources, inaasahang papalo ng P0.80-P0.90 ang mababawas sa kada litro ng krudo.

Ang kada litro ng gasolina ay may tapyas naman na P0.40-P0.50.

Habang may bawas na P0.70-P0.80 sa kada litro ng kerosene.

Inaasahang mag-aanunsiyo na rin ang iba pang kumpanya ng langis ng pagbabago sa presyo ng kani-kanilang produkto.