Principal, patay matapos pagbabarilin sa bayan ng Mamasapano

Cotabato City — Patay ang school principal ng isang paaralan sa Sultan sa bayan ng Barongis sa lalawigan ng Maguindanao Sur matapos itong paulanan ng bala sa bayan ng Mamasapano sa nabanggit din na lalawigan kahapon.

Kinilala ang binaril patay na biktima na si Mamadatu Dalandas, nasa sapat na gulang at naninilbihan bilang School Head o Principal ng Datu Tecson Elementary School.

Samantala, ang suspetsadong namaril sa biktima na sakay ng motorsiklo ay hindi pa nakikilala ng mga imbistigador.

Agad na nasawi ang biktima dahil sa mga tinamong bala sa katawan.

Nagpapatuloy ang mga operatiba at kapulisyahan sa imbestigasyon sa pangyayari.