Inilunsad ng Land Transportation Office (LTO) ang kanilang online renewal para sa pagpaparehistro ng pribadong sasakyan.
Ang mga may-ari ng pribadong sasakyan ay maaaring mag-renew ng kanilang registration sa Land Transportation Management System (LTMS) Portal.
Ang inisyatiba na ito ay naaayon sa mga pagsisikap ng opisina na i-digitize ang mga operasyon nito.
Naniniwala ang Land Transportation Office (LTO) na ang online registration ay maghihiwalay sa mga transaksyon sa mga district offices at mapipigilan ang paggamit ng mga fixer.
Ang pag-renew ay nangangailangan ng certificate of cover (COC) mula sa iyong napiling insurance company at para sa sasakyan na i-inspeksiyonin ng anumang private motor vehicle inspection center (PMVIC).
Napag-alaman sa kasalukuyan, mayroong 101 private motor vehicle inspection center (PMVIC) sa buong bansa.
Kapag nakuha na, maaaring mag-log in ang user sa portal ng Land Transportation Management System (LTMS), piliin ang uri ng sasakyan, mag-renew, mag-encode ng mga resulta ng certificate of cover (COC) at private motor vehicle inspection center (PMVIC) test, magbayad, at pagkatapos ay mag-print, kumuha ng screenshot ng kanilang opisyal na resibo, o mag-log in sa pamamagitan ng portal ng Land Transportation Management System (LTMS) upang ipakita ang opisyal na resibo kung kinakailangan.
Ang renewal rates ay mananatiling pareho — P240 para sa mga motorsiklo, P300 para sa mga motorsiklo na may sidecars, P1,600 hanggang P8,000 para sa mga kotse depende sa kabuuang timbang at uri ng kotse.
Gayunpaman may addittional service or utility fee ang mga bank partners depende sa napiling paraan ng pagbabayad.
Ang online renewal ay para lamang sa mga sasakyang nakarehistro sa portal.
Nangangahulugan ito na ang pribadong sasakyan ay dapat munang mairehistro sa ilalim ng Land Transportation Management System (LTMS) centralized database.
Noong Enero 01, 2023, 10.9 milyon sa loob ng 13.9 milyong rehistradong sasakyan ang nasa ilalim ng database ng Land Transportation Management System (LTMS).
