-- Advertisements --
Pumanaw na ang producer ng sikat na TV cartoon na Charlie Brown na si Lee Mendelson sa edad 86.
Kinumpirma ito ng kaniyang anak na si Jason sa pagpanaw ng ama sa kanilang bahay sa Hillsborough California.
Nakilala si Mendelson sa televison classic na Charlie Brown kung saan nakakuha ito ng 12 Emmy Awards.
Huling nakuha nito ang award noong 2015 sa “It’s Your 50th Christmas, Charlie Brown”.
Nominado rin ito sa Oscars at dalawang Grammy dahil sa paggawa ng kanta ng nasabing Christmas edition ng Charlie Brown.
Nagkakilala sina Lee at ang creator ng “Peanuts” na si Charles Schulz noong dekada 60 at doon nagsimula ang paggawa ng ‘Charlie Brown Christmas’ specials.
