-- Advertisements --
BAGUIO CITY – Maaari nang maituloy ang iba’t-ibang programa ng La Trinidad, Benguet pagkatapos temporaryong masuspindi ang mga ito dahil sa banta ng coronavirus disease (COVID)-19.
Pinayagan na ni Mayor Romeo Salda ang pagsasagawa ng mga public gatherings tulad ng barangay assembly, pageants, konsyerto, at iba pa.
Gayunpaman, suspendido pa rin ang Strawberry Festival 2020 dahil sa banta ng COVID 2019.
Maliban sa banta ng virus ay kulang na ang panahon ng lokal na pamahalaan na maghanda para sa festival gayundin na kulang ang suplay ng strawberry sa bayan.
Bawal makibahagi sa mga public gatherings ang mga may sipon at trangkaso para hindi mahawa ang iba.
