-- Advertisements --
CENTRAL MINDANAO – Tinupok ng apoy ang public market ng Barangay Simuay, Sultan Kudarat, Maguindanao.
Ayon sa ulat ng Bureau of Fire Protection (BFP-Maguindanao) na nakatanggap sila ng tawag sa nangyaring sunog at agad naman silang nagresponde katuwang ang ibang fire unit.
Malaki na ang apoy nang dumating ang mga pamatay sunog dahil gawa sa light materials ang palengke.
Halos tupok na ang public market nang maapula ang sunog ng BFP-Sultan Kudarat, Maguindanao.
Wala namang nasaktan sa sunog ngunit malaki anya ang halaga na tinupok ng apoy.
Sa ngayon ay nagpapatuloy ang imbestigasyon ng BFP-Maguindanao sa pagkasunog ng palengke.
