Pulis arestado matapos na maglakad ng hubo’t hubad sa Boracay

KALIBO, Aklan – Dinala sa kulungan ng kanyang mga kasamahan ang isang pulis matapos na makitang naglalakad ng nakahubo’t hubad sa Sitio Cagban, Brgy. Manocmanoc, Boracay.

Ang pulis na hindi na pinangalanan ay kasalukuyang nakadestino sa Malay Police Station. 

Base sa report, nakita ng ilang residente ang pulis na naglalakad sa lugar na walang suot na damit.

Kaagad nilang isinumbong sa pulisya ang insidente kaya’t kaagad na rumesponde ang  kawani ng Malay Police.

Sinasabing nagkaroon ng depresyon ang hubo’t hubad na pulis matapos hiwalayan ng kanyang fiancée at sumama sa ibang lalaki na kapwa pulis din. 

Subalit bago pa man ang kanilang nakatakdang kasal ay nakipaghiwalay ang nobya sa kanya.