-- Advertisements --
ILOILO CITY – Sugatan ang dalawang katao matapos pinasabugan ng improvised explosive device (IED) ang patrol car ng Lambunao Municipal Police Station sa Barangay Pughanan, Lambunao Iloilo.
Ang mga biktima ay sina Police Senior Master Sgt. Christopher Losbañes, assigned sa Lambunao, Municipal Police Station at Barangay Kagawad Larry Ajeno ng Barangay Pughanan, Lambunao Iloilo.
Sa eksklusibong panayam ng Bombo Radyo Iloilo kay Losbañes, sinabi nito na nagsasagawa sila ng follow up investigation sa Brgy. Panuran, Lambunao, Iloilo, matapos ang nangyaring engkwentro sa pagitan ng militar at New People’s Army (NPA).
Napag-alaman na nalaglag sa bangin ang patrol car matapos nawalan ng kontrol sa manebela ang driver ng sasakyan.
