Sinibak na sa serbisyo ang pulis na namaril ng mag-ina sa Paniqui,Tarlac na si Police Staff Sgt. Jonel Nuezca.
Ito ang inanunsiyo ni PNP chief General Debold Sinas matapos aprubahan ang rekomendasyon ng PNP Internal Affairs Service (IAS) kay Nuezca dahil sa grave misconduct na isang administratibong kaso.
Ayon kay Sinas epektibo ang dismissal ni Nuezca ngayong araw, January 11, 2021.
Magugunita na noong December 20, 2020 nang barilin ni Nuezca sina Sonya at Frank Gregorio matapos ang pagtatalo dahil sa “boga” at “right of way”.
Nag-viral ang video ng pamamaril sa social media na umani ng batikos mula sa publiko.
Nilinaw naman ni Sinas, pagdating sa criminal case, kung saan itinakda sa February 4,2021 ang pagdinig sa kaso ni Nuezca matapos maghain ito ng not guilty plea sa korte.
“I would like to announce that the admin case of Police Staff Sgt. Jonnel Nuezca is already resolved. He is meted with administrative penalty of dismissal from service effective today ( Juanuary 11,2021). This was already implemented by RD NCRPO,Brig.Gen. Vicente Danao,” pahayag pa ni Sinas.
Si Nuezca ay nahaharap din sa two counts of murder na nakahain na sa Regional Trial Court, Branch 67 ng Tarlac.
Kasalukuyang nasa kustodiya na ng BJMP sa Tarlac si Nuezca.
