-- Advertisements --
TACLOBAN CITY – Patay ang isang pulis matapos pagbabarilin ng hindi nakilalang mga suspek sa Barangay Lunang, Hilongos town, Leyte.
Kinilala ang biktima na si Patrolman Ramil Aruelo, nakadestino sa Bato, Leyte at residente ng Hilongos, Leyte.
Ayon kay S/Sgt Reynaldo Rosario, duty investigator ng Hilongos PNP, basi sa kanilang inisyal na imbestigasyon ay pauwi na ang biktima sakay ng kanyang motorsiklo ng bigla na lang itong tambangan ng mga suspek na sakay sa SUV.
Tinangka pang dalhin ang biktima sa pinakamalapit na ospital pero idineklara na itong dead on arrival.
Sa ngayon ay patuloy pa ang ginagawang imbestigasyon ng mga otoridad kaugnay sa insidente.
