CENTRAL MINDANAO- Patay on the spot ang isang pulis sa pamamaril sa probinsya ng Maguindanao.
Nakilala ang biktima na si Patrolman Asraph Pasandalan Mato,31 anyos, may asawa at nakatalaga sa 1401st Regional Mobile Force Company ng RMFB PRO BARMM at residente ng Barangay Semba Datu Odin Sinsuat Maguindanao.
Ayon sa ulat ng mga otoridad sakay ng kanyang motorsiklo ang biktima mula sa trabaho nito papauwi na ng kanyang tahanan ngunit pagsapit niya sa Barangay Gang Sultan Kudarat Maguindanao ay bigla itong dinikitan ng riding in tandem suspects at pinagbabaril gamit ang kalibre .45 na pistola.
Natumba ang biktima sa kanyang sinakyan na motorsiklo sa gilid ng national highway at naliligo sa kanyang sariling dugo.
Mabilis namang tumakas ang mga suspek patungo sa liblib na lugar sa bayan ng Sultan Kudarat.
Agad binawian ng buhay si Patrolman Mato nang tamaan ito ng bala sa kanyang ulo at likod.
Sa ngayon ay nagpapatuloy ang imbestigasyon ng Sultan Kudarat PNP sa pamamaril patay sa biktima.
