BUTUAN CITY – Nabaril-patay ang isang pulis habang nagtatrabaho pasado alas 9:00 kagabi sa may Purok 6, Brgy. Ampayon, Butuan City.
Nakilala ang biktima na si Police Corporal Ianklein Niepes Plaza, nadestino sa Regional Special Operations Unit 13.
Sa impormasyong nakuha galing sa Butuan City Police Station-4, naglunsad ng anti-illegal firearm operation ang biktima kasama si Police Staff Master sergeant Teodoro Clemm Boquilon Paredes, Jr. Laban sa suspect na si Mark Tapic, na residente sa Barangay Ampayon, Butuan City.
Sa nasabing operasyon at pag-aresto sana sa suspek, nagawa ng suspek na agawin ang baril ng biktima at binaril ito ng dalawang beses na tumama naman sa kaniyang kaliwang kamay at kanang braso.
Kaagad namang tumakas ang suspek matapos ang insidente habang ang biktima ay daling dinala sa MJ Santos Hospital ngunit dineklarang dead on arrival sa attending physician na si Dr. Miranda Bollozos.
Sa ngayon ay nagsasagawa na nang hot pursuit operation upang maaresto ang suspetsado.
