ILOILO CITY – Huli ang isang pulis matapos magnakaw umano ng motorsiklo ng isang punong barangay sa Pototan, Iloilo.
Ang arestado ay si Police Corporal Darryl Dumaraog, nakatalaga sa sa Regional Mobile Force Battalion.
Habang ang tagreklamo naman ay si Punong Barangay Nicky Pescuela ng Lopez Jaena Ward, Pototan.
Sa panayam ng Bombo Radyo kay Police Major Roy Tayona, hepe ng Pototan Municipal Police Station, sinabi nito na iniwan lang ng punong barangay ang kanyang motorsiklo sa plaza bago mag-jogging.
Nang bumalik na ito sa Plaza, nakita na lang siya ang suspek na lulan na ng kanyang motorsiklo ay kumaripas na ng pagmaneho nito.
Sa kuha naman ng closed-circuit television camera, positibong kinilala ng punong barangay ang pulis at pinuntahan mismo sa kanyang headquarters sa Barangay Jibolo, Janiuay.
Lumabas sa imbestigasyon na lulong umano sa utang ang pulis.
Nahaharap naman ito sa kasong kriminal at administratibo.
