Pulis, sugatan matapos mabangga ang minamanehong motorsiklo

ROXAS CITY – Sugatan ang isang pulis matapos nabangga ang minamaneho nitong motorsiklo sa Barangay Lawaan, Roxas City.

Kinilala ang biktima na siAljun Berdugo, 35, residente ng Barangay Candual, Panay, miyembro ng Philippine National Police (PNP) na naka-assign sa lungsod ng Roxas.

Nabatid na papunta sanang Barangay Lawaan ang biktima ngunit nang akmang liliko ito sa naturang lugar ay nabangga ito ng sasakyan na minamaneho ng isang doktor na si Mary Grace Anisco, 35, ng Barangay Barra, Roxas City.

Dahil dito ay nawalan ng kontrol sa manibela ang biktima kung kaya’t natumba ito sa daan.

Kaagad namang nilapatan ng karampatang lunas ang biktima.