CENTRAL MINDANAO-Sugatan ang isang pulis at nahuli ang suspek sa nangyaring pamamaril sa lalawigan ng Maguindanao Del Norte.
Nakilala ang sugatang pulis na si Staff Sergeant Michael Lacsasa na residente rin ng Datu Odin Sinsuat Maguindanao del Norte at nakatalaga sa 2nd Provincial Mobile Force Company.
Ayon kay Maguindanao Police Provincial Director Colonel Roel Sermese na habang nagpapatrolya ang biktima kasama ang ibang pulis ay may napansin silang kahina hinalang kilos ng lalaki.
Lalapitan sana ito ng mga pulis pero biglang namaril ang suspek na si Sukarno Guiaber.
Sakay ang mga pulis ng motorsiklo habang nagpapatrolya at naglilibot sa bayan ng Datu Odin Sinsuat.
Agad namang nahuli ang suspek matapos isagawa ng mga otoridad ang hot pursuit operation.
Kapwa dinala ang pulis at suspek sa pagamutan habang nagpapatuloy ang imbestigasyon ng DOS MPS sa naturang pangyayari.
